Untitled - Inspired by Director's Cut (Kamikaze)

Hindi ko alam kung kailan tayo huminto

Hindi naman nagunaw o natinag ang mundo

Basta isang umagang paggising ko

Pakiramdam ko ako’y biglang niloko...

Ng panahon na matagal ring naging kakampi

Ng tadhanang akala ko’y nasa’ting tabi

Mali siguro ang mga desisyong pinili

O baka wala talagang tama, ang lahat ay mali

Pero bago ‘yon alam ko

Minahal kita ng totoo

Bumitaw nga tayo

At huminto sa pagtakbo

Pero maaari bang muling lumingon

Baka sakaling may pagkakataon

Na ang panahon ay muling maging kakampi

At ang tadhana’y bumalik sa’ting tabi

Gawing tama ang mga desisyong napili

Mahalin ka pa rin, tama man o mali

Dahil alam ko

Mahal pa rin kita ng totoo

Hahawakan muli ang kamay mo

Magsimula tayong tumakbo

At muling lumingon

Sa ibinigay na pagkakataon.

written: (11:24 p.m… Dec. 17, 2012)This is one of my favorite tagalog poem. It still doesn't have a title though. It was inspired by the song "Director's Cut" (Kamikaze) after I listened to it repeatedly. It was supposed to be a song pero dahil di ako magaling magtono, naging tula na lang.